قادیانیوں کیخلاف کراچی کے دو تھانوں میں مقدمات درج

 

کراچی ۔قادیانیوں کے جماعت خانوں کی مسا جد سے مشابہت کے خلاف  کراچی کے دو تھا نوں میں مقدمات درج کر لئے گئے۔ تنظیمات اہلسنت کے علامہ سید زمان علی جعفری کے مقرر کردہ نمائندے مولانا عبد القادر پٹیل نے تھانہ پریڈی میں درخواست دی  تھی کہ قادیانی آئینِ پاکستان کی خلاف ورزی کرتے ہوئے اپنے جماعت خانوں پر شعائر اسلام کا استعمال کھلے عام کر رہے ہیں۔ لہذا انتظامیہ اس سلسلے میں مناسب کاروائی کرے۔ لیکن بار بار کی یاد دہانی اور تمام متعلقہ افسران و اداروں سے رابطہ کرنے کے باوجود کوئی سنوائی نہ ہوئی جس پر ستمبر 2022؁ء میں عدالت سے رجو ع کیا گیا معزز عدالت نے 22-Aکے مقدمے میں حکم جاری کرتے ہوئے پولیس کو FIRدرج کرنے کا حکم دیا۔

تنظیمات اہلسنت و اہلسنت ہیلپ ڈیسک کے اعلامیے کے مطابق دوسری FIRجمشید کوارٹر تھانہ میں علامہ سید زمان علی جعفری صاحب کے مقرر کردہ نمائندے احمد عبد الخالق نے جمشید کوارٹر کے علاقے یادگار فش والی گلی میں موجود قادیانی جماعت خانے پر شعائر اسلام کے کھلے عام استعمال پر درج کروائی۔

اس موقع پر علامہ سید زمان علی جعفری صاحب نے تنظیمات اہلسنت و علمائے اکرام بالخصوص، محترم مفتی محمد عابد مبارک صاحب، جماعت اہلسنت کے محترم الطاف قادری ، تحریک ختم نبوت موومنٹ محتر م عبد اللہ نورانی ، جماعت ِ اہلسنت کے محترم رفیق شاہ ، سنی تحریک کے احمد بلال سلیم قادری، تحریک لبیک کراچی کے امیر اور ممبر صوبائی اسمبلی محترم مفتی قاسم فخری ، نائب امیر کراچی تحریک لبیک مفتی عمر فاروق ، ضلع امیر محترم سلطان مدنی ، اہلسنت لیگل فورم کے رہنماؤں محمد احمد قادری، محمد عرفان قادری، محمد شبیر قادری، محمد افروز قادری، محمد شہزاد برکاتی، مولانا عبد القادر اشرفی اور دیگر ہم خیال سنی جماعتوں احباب کارکنان کے ساتھ ساتھ مدعیان کے وکلاء، سید احتشام ایڈووکیٹ، منظور احمد راجپوت ایڈووکیٹ، فہیم ضیاء اور دیگر کا شکریہ ادا کیا۔اوراس عزم کا اظہار کیا کہ قادیانیت کے خلاف ہر محاذ پر جہاد کیا جائے گا۔