بھارتی پولیس کا مسلمان نوجوان کو کھمبے سے باندھ کر تشدد

نئی دہلی: بھارتی ریاست گجرات میں انتہاپسند ہندوؤں نے اپنی مذہبی تقریب نوراتری میں پتھراؤ کے الزام میں ایک مسلمان کو کھمبے سے باندھ کر بدترین تشدد کا نشانہ بناڈالا۔

ویڈیومیں دیکھا جاسکتا ہے کہ مذہبی تقریب میں پتھراؤ کے الزام میں سادہ کپڑوں میں ملبوس پولیس اہلکار ایک مسلمان کو کھمبے سے باندھ کرکوڑے مار رہا ہے جبکہ ہجوم پٹائی پر خوش ہو رہا تھا اور نعرے لگا رہا تھا۔

منگل کو عوام کے سامنے، پولیس نے گجرات کے کھیڑا علاقے میں نو مسلم مردوں کو سرعام کوڑے مارے۔پولیس نے الزام لگایا کہ ان لوگوں نے ہندوؤں کے مذہبی تہوار نوراتری میں ہونے والی گربا کی تقریب میں پتھراؤ کیا تھا۔

VIDEO: પથ્થરમારાના આરોપીઓને થાંભલા સાથે જકડી ખેડા પોલીસે જાહેરમાં દંડા ફટકાર્યા, ગ્રામજનોએ તાળીઓ પાડી#police #vtvgujarati pic.twitter.com/hTCm2Ld5sZ

— VTV Gujarati News and Beyond (@VtvGujarati) October 4, 2022

مقامی میڈیا نے بھی ویڈیو شیئر کرتے ہوئے بتایا کہ اندھیلہ گاؤں کی پولیس نے عوام کے سامنے پتھراؤ کرنے والے افراد کو سبق سکھایا۔ مقامی پولیس انسپکٹر بھی وہاں موجود تھا، جس نے لڑکوں کو عوام سے معافی مانگنے کی ہدایت بھی کی تھی۔