زمبابوے بھی سپر12 مرحلے میں پہنچ گیا

آسٹریلیا:ٹی20 ورلڈکپ میں کوالیفائنگ راؤنڈ کے آخری میچ میں زمبابوے نے اسکاٹ لینڈ کو 5 وکتوں سے شکست دیکر سپر 12 مرحلے کے لیے کوالیفائی کرلیا۔

گیلونگ میں کھیلے گئے میچ میں اسکاٹ لینڈ نے ٹاس جیت کر پہلے بیٹنگ کرنے کا فیصلہ کیا، جو درسٹ ثابت نہ ہوا۔ اسکاٹش ٹیم مقررہ 20 اوورز میں محض 6 وکٹوں کے نقصان پر132 رنز بناسکی۔

اسکاٹ لینڈ کی جانب سے جارج منسی نے 51 گیندوں پر 54 رنز بنائے جبکہ انکے علاوہ کوئی بیٹر خاطر خواہ کارکردگی دیکھانے میں ناکام رہا، مائیکل جونز 4، میتھیو کراس 1، کپتان رچی بیرنگٹن 13، کالم میکلوڈ 25، مائیکل لیسک 12 اور جوش ڈیوی 4 رنز بناسکے۔

زمبابوے کی جانب سے ٹینڈائی چتارا اور رچرڈ نگروا نے 2، 2 جبکہ بلیسنگ مزاربانی اورسکندر رضا ایک ایک وکٹ حاصل کی۔

زمبابوے کا آغاز اچھا نہ تھا، اوپنر ریگیس چکابوا کے جلد آؤٹ ہونے کے بعد کپتان گریک ایرون نے ٹیم کو سنبھالا، انہوں نے 6 چوکوں کی مدد سے 58 رنز کی اننگز کھیلی ،سکندر رضا مین آف دی میچ قرار پائے۔

دیگرکھلاڑیوں میں ویسلی مدھویرے 0، شان ولیمز 7 جبکہ سکندر رضا 40 رنز بناکر نمایاں رہے۔اسکاٹ لینڈ کی جانب سے جوش ڈیوی نے 2 جبکہ بریڈ وہیل، مارک واٹ اور مائیکل لیسک نے ایک ایک وکٹ حاصل کی۔