راجن پور، انڈس ہائی وےپر دھندکے باعث 2 بسیں ٹکرانے سے8 جاں بحق

راجن پور(اُمت نیوز) انڈس ہائی وے شاہ والی کے مقام پر 2 مسافر بسیں آپس میں ٹکرا گئیں جس کے نتیجے میں 8 افراد جاں بحق اور متعدد زخمی ہو گئے۔
ریسکیو ذرائع کے مطابق انڈس ہائی وے شاہ والی کے مقام پر 2 مسافر بسیں دھند کے باعث آپس میں ٹکرا گئیں۔
حادثے کا شکار ہونے والی ایک بس پشاور سےکراچی جبکہ دوسری بس کوئٹہ سے راجن پور جا رہی تھی۔
ذرائع کے مطابق حادثے میں 8 افراد جاں بحق اور متعدد زخمی ہوئے، زخمیوں کو طبی امداد کے لیے قریبی اسپتال منتقل کر دیا گیا ہے۔