پاکستانی ٹیم کیخلاف بھرپور پلاننگ سے کھیلناہوگا:کین ولیمسن

کراچی (اُمت نیوز)نیوزی لینڈ کےکرکٹر کین ولیمسن کا کہنا ہےکہ پاکستان جیسی ٹیم کے خلاف بھرپور پلاننگ کے ساتھ کھیلنا ضروری ہے۔
جب سے کرکٹ کھیلنا شروع کیا ہے تب سے دیکھ رہا ہوں کہ پاکستان میں حیران کن ایک کے بعد ایک ٹیلنٹ آ رہا ہے۔
کراچی میں نجی ٹی وی سےگفتگو کرتے ہوئے نیوزی لینڈ کےکرکٹرکین ولیمسن کا کہنا تھا کہ پاکستانی ٹیم کے اہم کھلاڑی ان فٹ بھی ہوں تو اس کیخلاف کھیلنا آسان نہیں ہے۔
کین ولیمسن کا کہنا تھا کہ پاکستان میں ٹیسٹ کرکٹ کھیل کر بہت اچھا محسوس کررہے ہیں ۔ ہم میچ جیتنے کے بہت قریب پہنچ چکے تھے۔
دوسرے ٹیسٹ میچ میں پلاننگ کےساتھ میدان میں اتریں گے۔ کوشش یہی ہوتی ہے کہ ہر ٹیم کیخلاف بہتر بہتر پرفارم کروں۔