پاکستان سے دونوں ٹیسٹ  کافی دلچسپ ہوئے، مائیکل بریسویلے

کراچی (اُمت نیوز)، نیوزی لینڈ کے ٹیسٹ کرکٹر مائیکل بریسویل کا کہنا ہے کہ پاکستان سے دونوں میچز آخری روز اور آخری سیشن تک گئےہیں

کراچی میں دوسرے ٹیسٹ میچ کے اختتام پر میڈیا سے گفتگو کرتے ہوئے مائیکل بریسویل کا کہنا ہے کہ پاکستان سے دونو ں ٹیسٹ میچز میں کافی دلچسپ مقابلے ہوئے ہیں

میچ کے آخری لمحات میں پور ی کوشش کی کہ ایک بہترین گیند ہو اور وکٹ ملے اور ہم میچ جیت جائیںمگرایسا نہ ہو سکا۔ جس طرح آخر پر نسیم شاہ نے شاٹ کھیلی اس سے ایسا محسوس ہو ا کہ پاکستان ہدف حاصل کرسکتا ہے۔فیلڈراندر ہونے سے شاٹس لگنے کے چانس زیادہ ہوتے ہیں،

سرفراز احمد کے بارے میں مائیکل بریسویل کہتے ہیں کہ سرفراز احمد بہترین بیٹسمین ہیں۔ پوری سیریز میں انہوں نے بہترین کھیل پیش کیا اور ہم پر دبائو بڑھائے رکھا۔ پلیئر آف دی سیریز کے جائز حقدار سرفراز احمد ہی تھے