کامران ٹیسوری کا آج سے گورنرہاؤس کی 50فیصد لائٹس بند رکھنے کا اعلان

کراچی (امت نیوز)گورنرسندھ کامران ٹیسوری نے بجلی بچاؤ مہم شروع کردی ۔ اعلان کیا کہ آج سے گورنرہاﺅس کی  50 فیصد لائٹس بند رکھی جائیں گی، گورنر نے عوام سے بھی اپیل کی کہ وہ 25 فیصد بجلی کم استعمال کریں

گورنرسندھ سے خانہ کعبہ کے کلید بردار شیخ عبد الرحمٰن بن صالح ذین العابدین الشیبی نے گورنرہاﺅس میں ملاقات کی اس موقع پر گورنر سندھ نے کہا کہ خانہ کعبہ کے کلید بردار کی گورنر ہاﺅس آمد اعزاز کی بات ہے۔

شیخ عبد الرحمان بن صالح زین العابدین الشیبی نے گورنر ہاؤس کی مسجد میں ظہر کی نماز کی امامت بھی کی اور کامران خان ٹیسوری اور گورنر ہاؤس کے افسران اور ملازمین نے ان کی اقتدا میں نماز ادا کی، اس موقع پر ملک و قوم کی ترقی، سلامتی اور خوشحالی کے لئے خصوصی دعائیں کی گئیں۔

اس موقع پر میڈیا سے بات چیت کرتے ہوئے گورنرسندھ نے کہا کہ اس وقت پورے ملک میں توانائی بحران ہے۔انہوں نے اعلان کیا کہ آج سے گورنرہاﺅس کی  50 فیصد لائٹس بند رکھی جائیں گی،  اس ضمن میں  شہریوں سے بھی اپیل کی کہ  وہ  25 فیصد بجلی کم استعمال کریں

انہوں نے مزید کہا کہ شادی ہال مالکان بلا وجہ لائٹیں مت جلائیں جتنا ممکن ہو سکے بجلی کی بچت کو یقینی بنائیں۔