لیاری کے بیشتر پولنگ اسٹیشن پر عملہ نے کام شروع کردیا 

کراچی (اسٹاف رپورٹر) لیاری کے بیشتر پولنگ اسٹیشن میں عملہ نے کام شروع کردیا ۔یوسی دو میں پہلا ووٹ آٹھ بج کر دو منٹ پر کاسٹ ہو ۔بعض پولنگ اسٹیشن میں کسی بھی جماعت کا پولنگ ایجنٹ وقت پر نہیں پہنچا ۔ تفصیلات کے مطابق لیاری کے بیشتر پولنگ اسٹیشن میں عملہ تو بروقت موجود ہے تاہم سیاسی و مذہبی جماعتوں کے پولنگ ایجنٹ نہیں آئے جس کی وجہ سے ووٹ کاسٹنگ شروع نہ ہوسکی ۔ بہارکالونی کی یوسی ٹو میں زیڈ آر گرامر اسکول میں پہلا ووٹ آٹھ بج کر دو منٹ پر کاسٹ ہوا جہاں صرف جماعت اسلامی کے پولنگ ایجنٹ موجود تھے ۔ پی پی ، پی ٹی آئی کے ایجنٹ نہیں پہنچ سکے تاہم ووٹرز نے پولنگ اسٹیشنوں کا رخ کرنا شروع کردیا ہے ۔