سینیٹ اجلاس میں پرویز مشرف کی مغفرت کیلیے دعا کرانے سے انکار

اسلام آباد :حکومتی ارکان نے سینیٹ اجلاس میں پرویز مشرف کی مغفرت کیلیے دعا کرانے کی مخالفت کردی۔

چئیرمین سینیٹ صادق سنجرانی کی زیرصدارت اجلاس جماعت اسلامی کے سینیٹر مشتاق احمد نے کہا کہ ترکی اور شام کے لئے دعا کراؤں گا، پرویز مشرف کیلیے دعا نہیں کراؤں گا۔

چئیرمین سینیٹ نے کہا کہ آپ کہتے ہیں تو دعا نہیں کرواتے تاہم قائد حزب اختلاف شہزاد وسیم سابق صدر پرویز مشرف کی فاتحہ خوانی کروانے پر مصر نظر آئے۔

شہزاد وسیم کا کہنا تھا کہ پرویز مشرف کے لیے دعا کروانے میں کیا حرج ہے، ایک بندہ مر گیا آگے اللہ کا معاملہ ہے۔جواب میں سینیٹر مشتاق کا کہنا تھا کہ پرویز مشرف غدارہے اس کے لیے دعا نہیں ہوگی۔

بعدازاں، اجلاس میں ترکیہ میں زلزلے سے ہونے والے شہدا کے لیے دعا خوانی کی گئی۔اجلاس میں پاکستان پیپلزپارٹی کے سینیٹر نثار کھوڑو نے بطور سینیٹر حلف اٹھا لیا۔