بدین، اسکول میں اندھا دھند فائرنگ، ہیڈماسٹر، 5 اساتذہ ، طالبعلم زخمی

بدین میں اسکول پر اندھا دھند فائرنگ کے نتیجے میں ہیڈماسٹر اور 5 اساتذہ سمیت زخمی ہو گئے، گولیوں کی زد میں آ کرایک طالبعلم بھی شدید زخمی ہو گیا۔

نواحی علاقے پنگریو میں پلاٹ کے تنازع پر ملزمان نے اسکول پر گولیوں کی بوچھاڑ کر دی، گولیوں کی زد میں آ کر ہیڈماسٹر،5 اساتذہ اور طالبعلم زخمی ہو گئے، فائرنگ سے بچوں میں خوف و ہراس پھیل گیا، وہ چیخ و پکار کرتے رہے۔

پنگریو پولیس کے مطابق زخمیوں کو ہسپتال منتقل کر دیا گیا، ملزمان کے خلاف قانونی کارروائی شروع کر دی گئی۔