مینار پاکستان گراؤنڈ میں پی ٹی آئی کے جلسے کی تیاریاں شروع

لاہور( اُمت نیوز)مینار پاکستان گراؤنڈ میںپاکستان تحریک انصاف کے جلسے کی تیاریاں جاری ہیں، مینار پاکستان جانے والے راستے دونوں اطراف سے کنٹینرز لگا کر بند کر دیئے گئے۔مین شاہرات پر جانےوالے راستوں پر رکاوٹیں کھڑی کردی گئی ہیں۔شہریوں کو مشکلات کا سامنا ہے لیکن لوگ پیدل چل کرجا رہے ہیں۔ اس وقت تک تقریباً 2 ہزار سے 3ہزار کرسیاں لگا دی گئیں ہیں۔ پاکستان تحریک انصاف کے چیئرمین عمران خان کیلئے بلٹ پروف باکس بنا دیا گیا ہے۔ پاکستان تحریک انصاف کے کارکنان کا کہنا ہے کہ رکاوٹیں کھڑی کر دی گئی ہیں۔
واضح رہے کہ ضلعی انتظامیہ نے پی ٹی آئی کو آج رات مینار پاکستان پر جلسے کی اجازت دے رکھی ہے۔