چکوال،بارش کے باعث کمرے کی چھت گرنے سے 2مزدور جاں بحق

چکوال (اُمت نیوز)چکوال میں بارش کے باعث کمرے کی چھت گرنے سے 2مزدور جاں بحق ہوگئے۔
ریسکیو کے مطابق واقعہ تحصیل کلر کہار کے علاقے پیرکھارا میں نمک کی کان کی حدود میں پیش آیا
جہاں کمرے کی چھت بارش کے باعث گرنے سے کمرے میں موجود 2 مزدور جاں بحق اور ایک زخمی ہوگیا۔
پولیس کے مطابق جاں بحق ہونے والے مزدور احمد نواز اور ریاض کی لاشیں رورل ہیلتھ سینٹر منتقل کردی گئی ہیں جب کہ زخمی مزدور کو طبی امداد دی جارہی ہے۔