آصف زرداری کی دبئی میں سرجری ،طبیعت سنبھلنے لگی

دبئی ( اُمتنیوز)پاکستان پیپلز پارٹی کے چیئرمین اور سابق صدر آصف علی زرداری کی دبئی میں سرجری کی گئی جس کے بعد ان کے طبیعت سنبھلنے لگی ہے۔
پیپلز پارٹی کے شریک چیئرمین آصف علی زرداری کی آنکھ میں تکلیف کی وجہ سے چند روز قبل دبئی میں سرجری کی گئی، سرجری کی وجہ سے انہوں نے کچھ دن دبئی کے ہسپتال میں گزارے اور اب ان کی طبیعت پہلے سے بہتر ہے۔
آصف علی زرداری کے معالج ڈاکٹر عاصم حسین بھی دبئی میں موجود ہیں، سابق صدر کے صاحبزادے اور وزیر خارجہ بلاول بھٹو زرداری بھی آج ہی دبئی گئے ہیں ان کے ساتھ بلاول ہاؤس کے سکیورٹی اہلکار بھی روانہ ہوئے ہیں۔