راولپنڈی میں دکان کے باہر لٹکا گوشت کتے کھانے لگے

راولپنڈی (اسٹاف رپورٹر)راولپنڈی کی گوشت مارکیٹ میں دکانوں کے باہر لٹکا گوشت کتے کھانے لگے۔
کتوں کے گوشت کھانے کی ویڈيو سوشل میڈیا پر وائرل ہوگئی ۔ جس میں دیکھا جا سکتا ہے کہ راولپنڈی کے "بھابڑا بازار” میں کتے قصائی کی دکان کے باہر لٹکے ہوئے گوشت کو نوچ نوچ کر کھا رہے ہیں جبکہ آس پاس کوئی شخص موجود نہیں ۔رمضان المبارک کے مقدس مہینے میں اس کریہہ منظر کی ویڈیو سوشل میڈیا پر وائرل ہونے کے بعد شہریوں میں تشویش کی لہر دوڑ گئی ہے۔
واضح رہے کہ بھابڑا بازار میں گوشت رات گئے دکانوں کے باہر لٹکا ہوتا ہے۔یہی گوشت صبح ہوٹلوں اور دیگر دکانوں پر سپلائی کیا جاتا ہے۔