شہری نے موٹرسائیکل سوار ڈاکوؤں پر گاڑی چڑھا دی، ایک مارا گیا

کراچی میں لوٹ مار سے تنگ شہری نے گن پوائنٹ پر روکنے والے ڈاکوؤں پر گاڑی چڑھا دی، 3ڈاکو موٹرسائیکل پر سوار تھے،1 ہلاک ، 2کو گرفتار کر لیا گیا۔

لوٹ مار سے بال بال بچنے کا واقعہ سہراب گوٹھ میں پیش آیا جہاں گاڑی پر جاتے ہوئے شہری کو موٹرسائیکل سوار 3 ڈاکوؤں نے اسلحے کے زور پر رکنے کا اشارہ کیا۔ کار سوار نے موقع ملتے ہی ڈاکوؤں پر گاڑی چڑھا دی جس کی زد میں آ کر تینوں ڈاکو زخمی ہو گئے۔

اہل علاقہ نے اکٹھے ہو کر ڈاکوؤں پر تشدد شروع کر دیا، پولیس نے اطلاع ملنے پر ڈاکوؤں کو حراست میں لیا اور ہسپتال منتقل کر رہے تھے کہ 1ڈاکو راستے میں دم توڑ گیا تاہم دیگر2 ڈاکو پولیس کسٹڈی میں ہسپتال میں زیر علاج ہیں۔