راولپنڈی آٹا سیل پوائنٹ،SHOتھانہ بنی ہارٹ اٹیک کے باعث اسپتال منتقل

راولپنڈی ( اسٹاف رپورٹر )  راولپنڈی میں آٹا سیل پوائنٹ پر تعینات ایس ایچ او تھانہ بنی محمد گلتاج راجہ کو ہارٹ اٹیک ، اسپتال منتقل کر دیا گیا ، پولیس کے مطابق سب انسپکٹر محمد گلتاج راجہ میگا آٹا پوائنٹ پر ڈیوٹی سرانجام دے رہے تھے کہ افطاری سے پہلے انھیں اچانک ہارٹ اٹیک ہوا ، جس پر ایس ایچ او کو فوری طور پر اسپتال منتقل کر کے انجیو گرافی کی گئی۔ سی پی او سید خالد محمود ہمدانی نے محمد گلتاج  راجہ سب انسپکٹر کے بہترین علاج معالجہ کو یقینی بنانے کی ہدایت کی اور جلد صحتیابی کے لئے نیک خواہشات کا اظہار کیا۔ جبکہ ایس پی راول، ایس ڈی پی او وارث خان اور دیگر افسران نے سب انسپکٹر گلتاج کی اسپتال میں جا کر عیادت کی اور جلد صحتیابی کی دعا  بھی کی۔