انڈونیشین جوڑے کا خانہ کعبہ کے سامنے نکاح، ویڈیو وائرل

مکہ مکرمہ: سوشل میڈیا پر خانہ کعبہ کے سامنے نکاح کرنے والے جوڑے کی ویڈیو دیکھنے کے بعد سوشل میڈیا صارفین تعریف کیے بغیر نہ رہ سکے۔

گزشتہ روز سماجی رابطے کی ویب سائٹ انسٹاگرام پر شیئر کیے جانے والی ویڈیو تیزی سے وائرل ہورہی ہے۔ ویڈیو میں انڈونیشین جوڑے کو مسجدالحرام کے مطاف میں نکاح کرتے ہوئے دیکھا جاسکتا ہے۔

ویڈیو میں نکاح کے کاغذات پر دستخط کرنے کے بعد جوڑے نے ایک دوسرے کو انگوٹھی بھی پہنائی۔ میڈیا کے مطابق صرف قریبی رشتہ داروں اور دوستوں نے نکاح میں شرکت کی۔