فیصل آباد:سی اے اے ویجیلنس نے فرض شناسی کی مثال قائم کردی

کراچی (اسٹاف رپورٹر)فیصل آباد ائرپورٹ پر سی اے اے ویجیلنس اسٹاف نے فرض شناسی کی نئی مثال قائم کردی

دبئی سے آنے والے مسافر کو لاکھوں روپے مالیت کی کرنسی واپس لوٹا دی ۔ ویجیلنس اسٹاف کو ڈراپ لین سے ٹرالی میں پڑا بیگ ملا۔ ویجلنس اسٹاف نے بیگ تحویل میں لے کر ائرپورٹ انتظامیہ کے حوالے کیا۔ بیگ میں سعودی ریال اور کچھ پاکستانی روپے پائے گئے۔

جن کی مالیت  لگ بھگ ساڑھے پانچ لاکھ روپے کے برابر بنی۔ بیگ میں پاسپورٹ سمیت دیگر اہم دستاویز بھی موجود تھیں ۔ڈسٹرکٹ سرگودھا کے رہائشی مسافر سے اس کے ٹکٹ کے ذریعے  رابط کیا گیا۔.

مسافر کو اس کا بیگ محفوظ ہونے کی اطلاع دی گئی۔بعدازاں ائرپورٹ پر بیگ مسافر کے حوالے کردیا گیا۔مسافر نے سی اے اے اور اے ایس ایف کا شکریہ ادا کیا۔مسافر نے کرنسی اور دستاویزات اس تک پہنچانے کی کوششوں کے لئے   سی اے اے ویجیلنس اسٹاف کا شکریہ ادا کیا۔