عمران خان کا سمن لے کر اسلام آباد پولیس لاہور پہنچ گئی

لاہور(امت نیوز)چیئرمین پی ٹی آئی عمران خان کے خلاف اسلام آباد میں درج مقدمے کا سمن لے کر پولیس کی تفتیشی ٹیم لاہور پہنچ گئی۔

زمان پارک میں نوٹس وصول کرانے کےلیے لاہور پولیس، اسلام آباد پولیس کی معاونت کرے گی۔

لاہور پولیس کے مطابق اسلام آباد کے سب انسپکٹر تجمل نقوی 4 رکنی ٹیم کے ہمراہ تھانہ ریس کورس پہنچے ہیں۔

پولیس کے مطابق تفتیشی تجمل نقوی عمران خان کی رہائش گاہ پر جا کر سمن وصول کرائیں گے۔