نوازشریف ادائیگی عمرہ کیلئے لندن سے سعودی عرب روانہ

لندن (امت نیوز) مسلم لیگ (ن) کے قائد اور سابق وزیر اعظم نواز شریف عمرہ کی ادائیگی کیلئے سعودی عرب روانہ ہو گئے۔

نواز شریف اپنی لندن رہائش گاہ ایون فیلڈ ہاؤس سے سعودی عرب جانے کیلئے روانہ ہوئے، مسلم لیگ (ن) کے قائد ایک ہفتے سے زائد سعودی عرب میں قیام کریں گے اور وہ شاہی مہمان کے طور پر عمرہ کی ادائیگی کریں گے۔

نواز شریف کے ساتھ ان کی صاحبزادی مریم نواز بھی عمرہ ادا کریں گے، مریم نواز کے شوہر کیپٹن (ر) صفدر، دونوں بیٹیاں ماہ نور اور مہر النسا، بیٹا جنید صفدر اور بہو عائشہ سیف بھی ساتھ ہوں گے