کراچی کی آبادی کم کرنے میں ایم کیو ایم نے کردار ادا کیا، فواد چوہدری

لاہور:  سینئر نائب صدر تحریک انصاف فواد چوہدری نے کہا ہے کہ ایم کیو ایم نے کراچی کی آبادی مزید کم کرنے میں گھناؤنا کردار ادا کیا ہے۔

سماجی رابطے کی ویب سائٹ ٹویٹر پر اپنے بیان میں سابق وفاقی وزیر فواد چوہدری کا کہنا ہے کہ 95 فیصد مردم شماری مکمل ہونے کے بعد جس پر 45ارب روپے لگ گئے، شہری سندھ اور خصوصاً کراچی کی آبادی میں نمایاں کمی دکھا دی گئ ہے، اس کے نتیجے میں کراچی دو قومی نشستوں سے محروم ہو سکتا ہے، کراچی کے لوگ ان جماعتوں کا احتساب کریں گے۔

انہوں نے امریکی کانگریس مین بریڈ شرمین کا بھی شکریہ ادا کیا، ان کا کہنا تھا کہ پاکستان کے عوام فاشست حکومت کی جانب سے حقوق انسانی کی خلاف ورزیوں پر آپ کے تحفظات کی قدر کرتے ہیں۔