کراچی،2 فیکٹریوں میں آگ لگ گئی

کراچی:  شہر قائد میں آگ لگنے کے واقعات بڑھنے لگے، نیو کراچی انڈسٹریل ایریا میں واقع 2 فیکٹریاں آگ کی لپیٹ میں آ گئیں۔

آتشزدگی کی اطلاع ملنے پر فائر بریگیڈ کی گاڑیاں جائے حادثہ پر پہنچ گئیں، 10 فائر ٹینڈرز آگ پر قابو پانے کی کوششوں میں مصروف ہیں۔ ریسکیو حکام کے مطابق آگ لگنے کی فوری وجوہات سامنے نہیں آ سکیں۔

موٹر سائیکل اسپیئرپارٹس کی فیکٹری میں لگنے والی آگ پرقابو پالیا گیا ہے۔ حکام کے مطابق آگ موٹرسائیکل اسپیئرپارٹس کی فیکٹری میں لگی تھی جبکہ گار منٹس فیکٹری میں لگی آگ پرقابو پانے کی کوشش جاری ہیں۔

گارمنٹس فیکٹری کے گودام میں لگی آگ مزید پھیل گئی ہے جو گودام کی دوسری منزل تک پہنچ چکی ہے۔

واضح رہے کہ کراچی میں چند روز قبل نیوچالی کے قریب کثیر المنزلہ عمارت میں آگ لگی تھی جس کی زد میں آ کر ایک شخص جاں بحق جبکہ 3 جھلس کر زخمی ہو گئے تھے۔