سوات، سفاک داماد کی فائرنگ، بیوی، ساس، سالی اور سالا قتل

سوات: سیدو شریف میں سفاک داماد نے فائرنگ کرکے بیوی، ساس، سالی اور سالے کو قتل کردیا اور فرار ہوگیا۔

ضلع سوات کے شہر سیدو شریف کے دورافتادہ علاقہ باب سر میں گھریلوں تنازرعے پر داماد نے سسرالیوں پر فائرنگ کردی، جس کے نتیجے میں اس کی بیوی، ساس، سالی اور سالا جاں بحق ہوگئے۔

ڈی ایس پی سیدو سرکل عطااللہ خان کے مطابق واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچیں اور لاشوں کو اسپتال منتقل کردیا گیا۔

ڈی ایس پی سیدو نے بتایا کہ ابتدائی تفیش میں پتہ چلا ہے کہ سیف نامی ملزم نے ہی اپنی روٹھی بیوی، اور ماں اور بہن بھائی سمیت قتل کیا۔ اور وجہ قتل بیوی کا میکے میں روٹھ کر بیٹھنا ہی تھا۔

عطااللہ خان نے مزید بتایا کہ واقعے کے بعد ملزم اپنے ساتھیوں سمیت موقع سے فرار ہوگیا ہے، واقعے میں ملوث دو ملزمان کا تعلق بونیر اور ایک کا سوات سے بتایا جارہا ہے، جن کی گرفتاری کے لیے ٹیمیں تشکیل دیدی گئی ہیں۔