کراچی : نہم و دہم کے امتحانات 8 مئی سے شروع ہونگے ، شیڈول جاری

کراچی: ثانوی تعلیمی بورڈ کراچی نے صوبائی محکمہ تعلیم اسٹیئرنگ کمیٹی کی جانب سے مقرر کردہ تاریخ 8 مئی 2023 سے شروع ہونے والے نہم و دہم جماعت کے سالانہ امتحانات کا امتحانی شیڈول جاری کر دیا ۔

جاری کردہ شیڈول کے مطابق کراچی میں میٹرک کےامتحانات 8 مئی سے شروع  ہونگے ، صبح کی شفٹ میں سائنس گروپ جبکہ دوپہر کی شفٹ میں جنرل گروپ کے امتحانات لیے جائیں گے۔

چئیرمین میٹرک بورڈ کراچی کا کہنا ہے کہ طلبا کےایڈمیٹ کارڈجلدتمام اسکولزکوجاری کردیےجائیں گے جبکہ پرائیویٹ طلبا وطالبات کے ایڈمٹ کارڈ ان کے رہائشی پتوں پر ارسال کئے جائیں گے۔

چیئرمین میٹرک بورڈ نے کہا کہ رواں سال امتحانات آئوٹ سورس کروانا ممکن نہیں ۔ میٹرک کے امتحانات 8مئی سے 31 مئی تک جاری رہیں گے ۔