ایبٹ آباد میں ٹرک دکان میں جا گھسا،ایک جاں بحق،4زخمی

ایبٹ آباد (نمائندہ امت) مسلم آباد چوکی کے قریب ٹرک کا بریک فیل ہونے کے باعث دوکان میں جا گُھسا۔ حادثے کے نتیجے میں ایک شخص جانبحق جبکہ4 زخمی ہوگئے۔ ریسکیو کنٹرول روم کو اطلاع ملتے ہی 2 ایمبولینس ریکوری وئیکل اور ڈیزاسٹر وئیکل جائے حادثہ پر پہنچی ریسکیو ڈیزاسٹر ٹیم نے ایک گھنٹے کی انتھک محنت کے بعد دوکان میں سے زخمیوں کو ریسکیو کیا۔ جبکہ ایک شخص کو مُردہ حالت میں دوکان میں سے نکالا. ریسکیو میڈیکل ٹیم نے زخمیوں کو ابتدائی طبعی امداد دیتے ہوئے سول ہسپتال ایبٹ آباد منتقل کر دیا۔