پی ٹی آئی رہنماؤں کے درمیان اختلافات سامنے آ گئے

اٹک میں تحریک انصاف کے رہنماؤں کے درمیان پارٹی ٹکٹ کے معاملے پر اختلافات سامنے آ گئے ہیں۔

میجرطاہرصادق اور زلفی بخاری گروپ میں اختلافات کھل کر سامنے آگئے ہیں، گزشتہ روزصدر شمالی پنجاب عامر کیانی اسٹیک ہولڈرز کی میٹنگ میں پہنچے۔

اجلاس میں میجرطاہرصادق اور زلفی بخاری کے حامیوں کے درمیان نعرے بازی بھی ہوئی، اس موقع پر عامر محمود کیانی نے معاملہ رفع دفع کرانے کی کوشش کی۔

اس معاملے پر میجر طاہر صادق اور زلفی بخاری کی جانب سے ابھی تک کوئی موقف سامنے نہیں آیاہے ۔