لکی مروت میں 2خودکش بمباروں نے خود کو دھماکے سے اڑالیا

لکی مروت (امت نیوز)لکی مروت میں پولیس کارروائی کے دوران دو خودکش بمباروں نے خود کو دھماکے سے اڑا لیا ۔ ایک دہشت گرد فائرنگ میں مارا گیا۔فائرنگ کے تبادلے میں دو سی ٹی ڈی اہلکار زخمی ہوئے

لکی مروت کے نواحی گاؤں پہاڑ خیل تھل میں آپریشن کیا گیا جس میں سی ٹی ڈی اور مقامی پولیس اہلکار شامل تھے۔ آپریشن کے دوران دو خودکش حملہ آوروں نے خود کو اڑا دیا ۔ فائرنگ کے تبادلے میں ایک دہشت گرد مارا گیا۔

پولیس کے مطابق دہشت گردوں سے فائرنگ کے تبادلے میں دو سی ٹی ڈی اہل کار انسپکٹر جاوید اور اے ایس آئی عرفان زخمی ہوئے جنہیں گورنمنٹ سٹی اسپتال منتقل کردیا گیا