میہڑ میں مسافر کوچ موڑ کاٹتے الٹ گئی،30سے زائد مسافر زخمی

دادو (اُمت نیوز)دادو کی تحصیل میہڑ میں مسافر کوچ موڑ کاٹتے ہوئے الٹ گئی ، حادثے میں 30 سے زائد مسافر زخمی ہوگئے۔
پولیس کےمطابق میہڑ کے علاقے کولاچی موری کے مقام پر یہ افسوس ناک واقعہ پیش آیا ، جہاں لاڑکانہ سے کراچی جانے والی مسافر کوچ بھوسے سے بھری ٹریکٹر ٹرالی کو کراس کرتے ہوئے الٹ گئی۔
حادثے کے نتیجے میں 30 سے زائد مسافر زخمی ہوئے ہیں جس میں بچے اور خواتین بھی شامل ہیں، زخمیوں کو مقامی علاقہ مکینوں، موٹروے پولیس اور محکمہ صحت کی ٹیموں نے خیرپورناتھن شاہ اور میہڑ اسپتال منتقل کیا۔