خیرپور میں ٹک ٹاکر نے عید پربھائی ماردیا

خیرپور (نمائندہ امت) خیرپور کے قریب ٹک ٹاکر نے عید کے دن چھوٹا بھائی مار دیا، ویڈیو بنانے کے جنون میں گولی چلائی جس سے چھوٹا بھائی موقع پر ہلاک ہو گیا، اور گھر ماتم کدہ بن گیا۔ تفصیلات کے مطابق خیرپور کے کوٹ ڈیجی تھانہ کی حدود گاؤں چوڈاہو میں ٹک ٹاک ویڈیو بنانے کے جنون میں ایک نوجوان غلام اصغر سومرو سے ٹی ٹی پستول سے اچانک فائر ہوجانے کے باعث چھوٹا بھائی ظفرسومرو گولی لگنے کے باعث موقع پر فوت ہوگیا، جس کے بعد عید کے دن خوشیوں بھرا گھر ماتم میں تبدیل ہوگیا، اطلاع ملنے پر پولیس نے لاش کواپنی تحویل میں لینے کے بعد پوسٹ مارٹم کرانے کے لئے اسپتال منتقل کی، جہاں سے ورثاء حوالے کردی گئی، آخری اطلاعات تک واقعے کامقدمہ درج نہیں ہوسکاتھا۔