ٹریفک حادثات میں 7 سالہ بچے سمیت 3 جاں بحق

اسلام آبا د( اسٹاف رپورٹر ) ٹریفک حادثات میں سات سالہ بچے سمیت 3 افراد جان بحق، لڑائی جھگڑے کے دوران بھی ایک شہری زخمی ہو گیا، تفصیلات کے مطابق تھانہ شالیمار کی حدود میں زبیر کا سات سالہ بیٹا گاڑی نمبری ADV-527 کی ٹکر سے جان بحق ہو گیا۔،تھانہ کورال کی حدود میں موٹر سائیکل سوار اصغر ٹرک ڈرائیور رفیع اللہ کی ٹکر سے جان بحق ہو گیا، تھانہ انڈیسٹر یل ایریا کی حدود میں حسنین کا بھائی گوہر ڈمپر نمبری ZI265 کی ٹکر سے جان بحق ہو گیا، ادھر تھانہ لوہی بھیر پولیس کوعمر نے بتایا کہ ایک نامعلوم گروہ نے ہارن مار کر راستہ مانگنے کی کوشش کی اور پھر گاڑی پر ایک فائر کیا جو کہ فرنٹ فینڈر پر لگا،کراچی کمپنی کی حدود سے عامر کو نیاز نے اپنے دو نامعلوم ساتھیوں کیساتھ مل کر چھریوں کر کے زخمی کیا اور موبائل فون اور نقدی چھین لیے، پولیس نے الگ الگ مقدمات درج کر لیے۔