ایبٹ آباد میں جوئے کی محفل پر چھاپہ-6قمار باز گرفتار

ایبٹ آباد(نمائندہ امت) پولیس تھانہ کینٹ کی کارروائی ، بانڈہ دلازاک میں جوئے کی محفل پر چھاپہ 6 قمار باز گرفتار ، داو پر لگی رقم اور آلات قمار بازی برآمدکرکےمقدمہ درج کرلیا گیا۔گزشتہ روز اے ایس پی کینٹ اعتزاز عارف کی زیر نگرانی ، ایس ایچ او کینٹ علی خان نے بانڈہ دلازاک میں کاروائی کے دوران شوکت ولد اشرف ، گوہر الرحمن ولد گل حسن ، حسرت ولد گل حسن ساکنان نملی میرا ، اعجاز ولد صابر سکنہ سپلائی ، سرفراز ولد لطیف سکنہ کیہال اور زعفران ولد فیض سکنہ بانڈہ فیض کو تاش کے پتوں پر جوا کھیلتے ہوئے رنگے ہاتھوں داو پر لگی رقم 72ہزار روپے سمیت گرفتار کر لیا ، جبکہ گرفتار ملزمان کے خلاف تھانہ کینٹ میں 5GO, کے تحت مقدمہ درج رجسٹرڈ کر لیا گیا ۔