وزیراعظم شہباز شریف نے اہم مشاورتی اجلاس آج طلب کر لیا

اسلام آباد (امت نیوز) وزیراعظم شہباز شریف نے موجودہ سیاسی صورتحال میں اہم مشاورتی اجلاس آج طلب کر لیا۔

ذرائع کے مطابق وزیر اعظم کی زیرصدارت مشاورتی اجلاس آج ان کی رہائش گا ماڈل ٹاؤن میں ہو گا، جس میں مسلم لیگ ن کی نائب صدر مریم نواز سمیت پارٹی کی سینئر قیادت اور وفاقی وزراء شریک ہوں گے۔

اجلاس میں معاونین خصوصی اور اٹارنی جنرل بھی شرکت کریں گے۔

وزیر خزانہ اسحاق ڈار پاکستان تحریک انصاف (پی ٹی آئی) سے جاری مذاکرات پر بریفنگ دیں گے۔

نواز شریف بھی ویڈیو لنک کے ذریعے لندن سے اجلاس میں شریک ہوں گے۔

اجلاس میں پی ٹی آئی قیادت کے مطالبات پر مشاورت کی جائے گی جبکہ وزیر اعظم شہبازشریف مذاکرات کے حوالے سے تفصیلی مشاورت کریں گے۔