الیکشن نہ ہوئے تو ملک کا حال سری لنکا سے بدتر ہوجائےگا،عمران خان

لاہور(امت نیوز)چیئرمین تحریک انصاف عمران خان نے کہا ہے کہ اگر 14 مئی تک اسمبلیاں تحلیل کردی جاتی ہیں تو ہم ایک تاریخ کو ملک بھر میں الیکشن کیلئے تیار ہیں، اگر 14 مئی سے پہلے اسمبلیاں نہ توڑی گئیں تو پھر ہم دو صوبوں میں الیکشن کرائیں گے، بجٹ کے بعد اسمبلیاں تحلیل کرنا ہمیں قبول نہیں

ان کا مزید کہنا تھا کہ الیکشن کی امید چلی گئی توپاکستان کا حال سری لنکا سے بدترہوجائے گا۔

خیال رہے کہ ایک دن ملک بھر میں الیکشن کے معاملے پر حکومت اور تحریک انصاف کے درمیان مذاکرات کے دو ادوار ہوچکے ہیں ، گزشتہ روز مذاکرات کے دوسرے دور کے بعد حکومت اور پی ٹی آئی نے بات چیت میں پیش رفت کی امید ظاہر کی تھی اور منگل کو اگلی بیٹھک کا اعلان کیا تھا تاہم پرویز الہیٰ کے گھر پر چھاپے کے بعد خدشات پیدا ہوگئے تھے کہ مذاکرات کا عمل معطل ہوجائے۔