ثاقب نثار کے بیٹے کی مبینہ آڈیو: تحقیقاتی بنانے کی قرارداد منظور

اسلام آباد(امت نیوز)سپریم کورٹ کے سابق چیف جسٹس ثاقب نثار کے بیٹے کی مبینہ آڈیو لیک کی تحقیقات کیلیے خصوصی پارلیمانی کمیٹی کے قیام کی قرارداد کثرت رائے سے منظور ہوگئی۔
اسپیکر راجہ پرویز اشرف کی زیر صدارت قومی اسمبلی کے اجلاس میں جے یو آئی کی رکن شاہدہ اختر نے ایوان میں قرارداد پیش کی اور ثاقب نثار کے بیٹے کی سامنے آنے والی آڈیو کی تحقیقات کیلیے خصوصی پارلیمانی کمیٹی کے قیام کا مطالبہ کیا۔
قراردار پیش کرتے ہوئے رکن اسمبلی نے کہا کہ یہ کمیٹی ثاقب نثار کے بیٹے کی آڈیو لیک کی تحقیقات کرے اور خصوصی کمیٹی تشکیل دے
تین روز قبل ثاقب نثار کے بیٹے کی مبینہ آڈیو سامنے آئی تھی جس میں وہ پی ٹی آئی کے امیدوار کو ٹکٹ دینے اور پیسوں کی لین دین کے حوالے سے گفتگو کررہے تھے۔ اس آڈیو کے بعد ثاقب نثار نے اپنے بیٹے کی آواز کی تصدیق کی جبکہ پی ٹی آئی نے بھی تحقیقات کیلیے پارٹی کمیٹی تشکیل دی تھی۔