اسلام آباد سمیت ملک کے مختلف حصوں میں شدید بارش کا امکان

اسلام آباد ( اُمت نیوز) ملک کے بالائی علاقوں میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔
محکمہ موسمیات کے مطابق آج اسلام آباد ، بالائی خیبر پختو نخوا، پنجاب، کشمیر اور گلگت بلتستان میں تیز ہواؤں، آندھی اور گرج چمک کے ساتھ بارش متوقع ہے، اس دوران شمال مشرقی بلوچستان اور سندھ میں چند مقامات پر گرج چمک کے ساتھ بارش کی توقع ہے۔
گزشتہ 24 گھنٹے کے دوران پنجاب، کشمیر ، بالائی خیبر پختونخوا، بلوچستان اور مٹھی میں تیز ہواؤں اور گرج چمک کے ساتھ بارش ہوئی، ملک کے دیگر علاقوں میں موسم خشک رہا۔