اسلام آباد اور ملتان میں گیس سلینڈر کے دھماکے 2 افراد زخمی

ملتان (امت نیوز) ملتان اور اسلام آباد میں گیس سلینڈر دھماکوں میں دو افراد زخمی ہوگئے۔ ریسکیو ٹیم کے مطابق ملتان میں پاک گیٹ چوک پر دکان میں گیس سلنڈر دھماکے سے پھٹ گیا، واقعے میں 2 افراد زخمی ہوگئے، جنہیں اسپتال منتقل کردیا گیا۔ دھماکے کے بعد پولیس کی بھاری نفری بھی علاقے میں پہنچ گئی۔دکان میں لگی آگ پر قابو پانے کیلئے فائر بریگیڈ کی گاڑی موقع پر پہنچ گئی۔

دوسری جانب اسلام آباد کے لہترار روڈ جھنگ سیداں میں کیٹرنگ شاپ میں گیس سلنڈر کا دھماکا ہوا، جس سے دکان میں آگ بھڑک اٹھی، قریبی عمارتوں کے شیشے بھی ٹوٹ گئے۔۔پولیس کی نفری نے بھی جائے وقوع پر پہنچ کر تحقیقات کا آغاز کردیا۔