بلاول بھٹو کے دورے کی بھارت میں نمایاں کوریج

گوا (امت نیوز)وزیرخارجہ بلاول بھٹو کے دورے کو بھارتی میڈیا میں نمایاں کوریج دی جارہی ہے ۔تمام بڑے چینلز پر بلاول بھٹو زرداری کی بھارت آمد پر خبریں اور تجزیئے پیش کئے جارہے ہیں

بھارتی میڈیا نے وزیر خارجہ بلاول بھٹو کی شنگھائی تعاون تنظیم کے وزرائے خارجہ کے اجلاس میں شرکت کو پاک بھارت تعلقات کی بحالی کی جانب مثبت قدم قرار دیا ہے۔

خیال رہےکہ شنگھائی تعاون تنظیم کے وزرائے خارجہ کا اجلاس آج سے بھارت کے شہر گوا میں ہو رہا ہے جس میں پاکستان کی جانب سے وزیر خارجہ بلاول بھٹو زرداری شریک ہیں۔

دوسری جانب بھارتی وزیر دفاع راج ناتھ سنگھ نےکہا ہےکہ شنگھائی تعاون تنظیم کے اجلاس کا میزبان ملک تمام رکن ممالک کو دعوت دینےکا پابند ہے۔

ایک بیان میں بھارتی وزیر دفاع راج ناتھ سنگھ کا کہنا تھا کہ یہ سرکاری پروٹوکول ہے۔