پی آئی اے انتظامیہ نے طیارے سے ملنے والا پرس مسافر کو واپس کردیا

کراچی (اسٹاف رپورٹر)طیارے سے ملنے والا پرس مسافر کو واپس کر دیا گیا۔تفصیلات کے مطابق پی آئی اے طیارے کے مسافر (بینکر) نے طیارے میں ہی اپنا پرس چھوڑ دیا تھا جو اسے واپس کردیا گیا ہے ، ترجمان کی جانب سے جاری بیان میں کہا گیا ہے کو اسکردو پہنچنے پر پی آئی اے سیکیورٹی اسٹاف نے جہاز سے پرس ملنے پر ائرپورٹ انتظامیہ کے حوالے کیا۔ہوائی اڈے کی انتظامیہ کے فوری اعلان پر مسافر نے انتظامیہ سے رابط کیا۔مسافر اعلان ہونے تک ابھی ہوائی اڈے سے باہر نہیں نکلا تھا۔

بعد ازاں ائیر پورٹ منیجر کے دفتر میں پرس مسافر کے حوالے کیا گیا۔مسافر نے ائیر پورٹ انتظامیہ اور ائیر پورٹ پر کام کرنے والی دیگر ایجنسیوں کا شکریہ ادا کیا۔ اس سے قبل مسافر فلائٹ پی کے 451 سے اسلام آباد سے سکردو پہنچا تھا۔