ملک کے کن شہروں میں آج گرج چمک کے ساتھ بارش ہو گی؟ جانئے

کراچی (امت نیوز) محکمہ موسمیات کے مطابق ملک کے بیشترمیدانی علا قوں میں موسم خشک رہے گا، خیبر پختو نخوا، گلگت بلتستان اورآزادکشمیر میں بارش کا امکان ہے۔

گلگت بلتستان اورآزادکشمیر میں چند مقامات پر ژالہ باری کی بھی پیشگوئی کی گئی ہے، اسلام آباد میں گرج چمک کے ساتھ بارش متوقع ہے۔

مری اور گلیات میں تیز ہواؤں اور گرج چمک کے ساتھ بارش کا امکان ہے، اس کے علاوہ چترال، دیر، سوات، کالام،سیدوشریف اور ایبٹ آباد میں بھی بارش کی پیشگوئی کی گئی ہے۔

گلگت بلتستان،مانسہرہ،کوہستان اورکرم میں تیز ہواؤں اور گرج چمک کے ساتھ بارش کا امکان بتایا گیا ہے۔