ملیر میں فائرنگ،اہلکار زخمی،ایک دہشتگرد ہلاک، ساتھی فرار

کراچی کے علاقے ملیر میں فائرنگ سے ایک دہشتگرد ہلاک ، ایک فرارہونے میں کامیاب ہو گیا۔

ایس ایس پی ملیر کاکہناتھا کہ آج صبح 9 بجے 2 دہشت گردوں نے چینی کمپنی ہانگ کانگ دائود جیٹی میں گھسنے کی کوشش کی، جیٹی پر تعینات پولیس اہلکاروں نے دہشت گردوں پر فائرنگ کی،پولیس کی فائرنگ سے ایک دہشت گرد ہلاک ہو گیا جبکہ ایک فرارہو گیا۔

ایس ایس پی ملیر کاکہناتھا کہ دہشت گردوں کی فائرنگ سے پولیس کانسٹیبل اکرم علی کی ٹانگ میں گولی لگی ، ہلاک دہشت گرد نے جیکٹ پہنی ہوئی تھی ، بم ڈسپوزل اسکواڈ کو موقع پر طلب کیا گیا۔

ایس ایس پی ملیرکاکہناتھا کہ ہلاک دہشت گرد کے قبضے سے ایک کلاشنکوف 2 میگزین برآمد ہوئے ہیں، زخمی کانسٹیبل اکرم کو ہسپتال روانہ کیا گیا ۔