حساس تنصیبات پر حملوں کے ذمہ دارچیف جسٹس ہیں،مریم نواز

لاہور(امت نیوز)مسلم لیگ ن کی چیف آرگنائزر اور سینئر نائب صدر مریم نواز نے عمران خان کی رہائی کا حکم دینے پر چیف جسٹس پر کھل کر تنقید کی ہے
ٹوئٹر پر بیان میں مریم نواز نے لکھا کہ ’چیف جسٹس صاحب کو آج قومی خزانے کے 60 ارب ہڑپ کرنے والے سے مل کر بہت خوشی ہوئی اور اس سے بھی زیادہ خوشی انہیں اس مجرم کو رہا کر کے ہوئی۔‘

ان کا کہنا تھا کہ ملک کی اہم ترین اور حساس تنصیبات پر حملوں کے سب سے بڑے ذمہ دار چیف جسٹس ہیں جو ایک فتنہ کی ڈھال بنے ہوئے ہیں اور ملک میں لگی آگ پر تیل چھڑک رہے ہیں۔