منگھوپیر میں پانی چوری پکڑی گئی

کراچی: منگھوپیر میں پانی چوری کے خلاف واٹر بورڈ آپریشن میں ہزاروں میٹر پائپ اور ایکسیویٹر بھی برآمد کرلیا گیا ۔

تفصیلات کے مطابق سی ای او واٹر بورڈ انجینئر سید صلاح الدین احمد کے خصوصی احکامات پر عملدرآمد کرتے انچارج اینٹی تھیفٹ سیل واٹر بورڈ تابش رضا حسنین نے پولیس کے ہمراہ پانی چوروں کے خلاف کارروائیاں مزید تیز کرتے ہوئے منگھوپیر روڈ پر آپریشن کے دوران چار چار انچ کے دو غیر قانونی کنکشن کی کوشش ناکام بنادی، انچارج اینٹی تھیفٹ سیل کے مطابق پانی چور مافیا غیر قانونی کنکشن ایچ ٹی ایم کی لائن سے لگا رہے تھے۔

کاروائی کے دوران ہزاروں میٹر واٹر پائپ سمیت دیگر آلات اور ایکسیویٹر برآمد کرکے منگھوپیر تھانے پر واٹر بورڈ ایکٹ 14 A کے تحت مقدمہ درج کروا دیا گیا۔