اے این ایف کی کارروائی،کنٹینرسے ایک کروڑ سے زائد نشہ آورگولیاں برآمد

کراچی(امت نیوز)  اینٹی نارکوٹکس فورس کی خفیہ اطلاع پر کارروائی  کے دوران  کنٹینر سے ایک کروڑ سے زائد کی نشہ آور گولیاں برآمد کر لی گئیں. ترجمان اے این ایف کے مطابق بُک کروایا گیا کنٹینر نائجیریا کے لئے بُک کروایا گیا تھا کنٹینرسے بھاری مقدار میں مختلف اقسام کی نشہ آور گولیاں برآمد ہوئی ہیں۔

ترجمان نے بتایا کہ کنٹینر سے ایک کروڑ 50 لاکھ سے زائد نشہ آور گولیاں برآمد ہوئی ہیں تحقیقات کے بعد لیاری کے رہائشی ملزم کو گرفتار کیا گیا ہے۔

اے این ایف نے مزید بتایا کہ واقعہ کا انسدادِ منشیات ایکٹ کے تحت مقدمہ درج کرلیا گیا ہے اور تفتیش کا آغاز کردیا گیا ہے۔