ایک ہفتہ بندش کے بعد سوشل میڈیا بحال

اسلام آباد: ملک بھر میں تقریباً ایک ہفتہ کی بندش کے بعد سوشل میڈیا ایپس بحال کردی گئیں۔

پاکستان ٹیلی کمیونیکیشن اتھارٹی (پی ٹی اے) کی جانب سے ملک میں بند کی گئی فیس بک، یو ٹیوب، ٹوئٹر اور دیگر سماجی رابطوں کی ایپلی کیشنز  بحال کردی گئی ہیں۔

واضح رہے کہ ملک بھر میں موبائل براڈ بینڈ سروس پہلے ہی بحال کردی گئی تھی، جس کے بعد آج شام سے سوشل میڈیا ایپس بھی صارفین نے استعمال کرنا شروع کردیا ہے۔

قبل ازیں پی ٹی اے کی جانب سے وضاحت کی گئی تھی کہ براڈبینڈ بحالی کے ساتھ سوشل میڈیا پلیٹ فارمز بدستور بلاک تھے اور انہیں کھولنے کی کوئی ہدایت نہیں ملی تھی۔