موہنجوداڑو ایکسپریس ٹرین سمیت دیگر ٹرینوں کی بحالی پر ایکشن پلان تیار

اسلام آباد (اُمت نیوز) وفاقی وزیر ریلوے خواجہ سعد رفیق نے متعلقہ حکام کو ایم ایل ٹو سیکشن پر موہنجوداڑو ایکسپریس ٹرین سمیت دیگر ٹرینوں کی بحالی پر ایکشن پلان تیار کرنے کی ہدایت کر دی۔
وفاقی وزیر ریلوے خواجہ سعد رفیق کے زیر صدارت اہم اجلاس منعقد ہوا، اجلاس میں شرکا سے گفتگو کرتے ہوئے انہوں نے کہا کہ خسارے میں چلنے والی ٹرینیں بند کرنا مسئلے کا حل نہیں بلکہ ٹرینوں کی مانیٹرنگ بہتر انداز میں کر کے منافع بخش بنایا جائے۔
خواجہ سعد رفیق نے کہا کہ ای آر پی کے استعمال سے کام میں جدت، شفافیت اور براہ راست مانیٹرنگ ممکن ہو سکے گی، ریلوے ہسپتالوں میں پرائیویٹ ڈاکٹرز کی پریکٹس کے لیے پلان تیار کرنے کی ہدایت بھی کی گئی۔
وفاقی وزیر نے کہا کہ ریلوے ڈرائی پورٹس کی آمدن بڑھانے کے لئے فوری پلان مرتب کر کے پیش کیا جائے، انہوں نے ریلوے کی رہائشی کالونیوں میں بجلی کے میٹر لگانے کا ہدف جلد مکمل کرنے کی ہدایت کی۔

وفاقی وزیر ریلوے خواجہ سعد رفیق کی زیر صدارت اجلاس

ایم ایل ٹو سیکشن پر موہنجوداڑو ایکسپریس ٹرین سمیت دیگر ٹرینوں کی بحالی پر ایکشن پلان تیار کرنے کی ہدایت

خسارے میں چلنے والی ٹرینیں بند کرنا مسئلے کا حل نہیں بلکہ ٹرینوں کی مانیٹرنگ بہتر انداز میں کر کے منافع بخش بنایا جائے pic.twitter.com/eefhz3GCAM

— Pakistan Railways (@PakrailPK) May 19, 2023

خواجہ سعد رفیق نے کہا کہ ریلوے اکاؤنٹس ڈیپارٹمنٹ میں جونیئر آڈیٹرز کی بھرتی میں میرٹ کو یقینی بنایا جائے۔