34 ویں نیشنل گیمز میں پاکستان فوج کی برتری برقرار

کوئٹہ(اسپورٹس ڈیسک)کوئٹہ میں جاری 34 ویں نیشنل گیمز میں پاکستان فوج کی برتری برقرار ہے، آرمی کے ایتھلیٹس نے ایونٹ میں 50 گولڈ میڈلز سمیت 105 میڈلز حاصل کرلیے۔

34 ویں نیشنل گیمز کے مقابلوں میں آرمی کے ایتھلیٹس نے 33 سلور اور 22 برانز میڈلز بھی حاصل کئے ہیں۔

نیشنل گیمز میں واپڈا میڈلز ٹیبل پر دوسرے نمبر پر ہے جس نے اب تک 25 گولڈ، 18 سلور اور 20 برانز میڈلز جیتے ہیں جبکہ نیوی کے کھلاڑیوں نے اب تک 21 گولڈ میڈلز اپنے نام کئے ہیں۔