جونئیر ہاکی ٹیم نےسیمی فائنل اور ورلڈ کپ کیلئے کوالیفائی کر لیا

اسلام آباد(اُمت نیوز) قومی جونیئر ہاکی ٹیم نے جونیئر ایشیا کپ کے آخری لیگ میچ میں جاپان کو تین کے مقابلے دو گول سے شکست دے کر ایونٹ کے سیمی فائنل اور جونیئر ہاکی ورلڈ کپ کیلئے کوالیفائی کر لیا ہے۔
جونئیر ہائی ایشیا کپ میں پاکستان نے آخری لیگ میچ میں جاپان کو تین دو سے شکست دے دی، قومی جونئیر ہاکی ٹیم نے جونیئر ایشیا کپ کے سیمی فائنل میں جگہ بنا لی، پاکستان کی طرف سے عبدالوہاب نے 2 اور ارباز احمد نے ایک گول سکور کیا۔
علاوہ ازیں پاکستان ہاکی کے لیے بھی بڑی خوشخبری آ گئی ہے۔ قومی جونئیر ہاکی ٹیم نے جونئیر ورلڈکپ کے لئے کوالیفائی کرلیا ہے، جونئیر ورلڈکپ اس سال کے اختتام پر ملائشیا میں ہوگا۔ واضح رہے کہ قومی ہاکی ٹیم ورلڈکپ اور اولمپک مقابلوں سے باہر ہے۔ جبکہ جونئیر کھلاڑیوں کی عمدہ کارکردگی پر ہاکی کمیونٹی میں خوشی لی لہر دوڑ گئی ہے۔