پاکستان جونئیر ہاکی ایشیا کپ کے فائنل میں پہنچ گیا

صلالہ (امت  نیوز ) جونیئر ایشیا کپ ہاکی ٹورنامنٹ دوسرے سیمی فائنل میں پاکستان نے ملائیشیا کو شکست دے کر فائنل میں رسائی حاصل کر لی ۔

عرب ملک عمان کے شہر صلالہ میں جاری جونیئر ایشیاء کپ کے دوسرے سیمی فائنل میچ میں پاکستان نے ملائیشیا کو دو کے مقابلے میں چھ گول سے ہراکر فائنل کیلئے کوالیفائی کرلیا۔

پاکستان کی جانب سے پہلا گول 42ویں منٹ میں محمد سفیان خان،دوسرا گول 44ویں منٹ میں عبدالرحمان ،تیسرا گول 47ویں منٹ میں عبدالحنان شاہد، چوتھا گول48ویں منٹ میں عبدالرحمان جبکہ پانچواں گول بھی 51ویں منٹ میں عبدالرحمان نے کرکے ہیٹرک مکمل کی۔ چھٹا گول 58ویں منٹ میں ارباز احمد نے اسکور کیا۔

ملائیشیا کی جانب سے دانش اور پربھو نے گول سکور کئے، پلیئر آف دی میچ عبدالرحمن قرار پائے۔