آنجہانی ریسلر اوماگا کے بیٹے زیلا فاتو نے اسلام قبول کرلیا

نیویارک( نیٹ نیوز) ڈبلیو ڈبلیو ای کے آنجہانی ریسلر اوماگا کے بیٹے زیلا فاتو نے اسلام قبول کرلیا۔ یوٹیوب ویڈیو کے دوران آنجہانی ریسلر اوماگا کے بیٹے نے مذہب تبدیلی کا اعلان کیا، زیلا نے اپنے اسلام کے سفر کو’’ خوبصورت‘‘ قرار دیتے ہوئے کہا کہ وہ جیل میں مسلمان قیدیوں سے متاثر ہوئے اور وہاں گزارے گئے وقت نے انہیں سوچنے پر مجبور کیا۔

انجہانی ریسلر کے بیٹے زیلا کو اپنی فٹنس اور مراقبہ کی ویڈیوز کیلئے جانا جاتا ہے تاہم ٹیکساس اسٹیٹ پینٹینٹری میں ڈکیتی کے الزام میں انہیں 6 سال کی سزا سنائی گئی تھی۔ 27 سالہ نوجوان نے بتایا کہ جیل میں رہتے ہوئے وہ اسلام کے بارے میں متجسس تھا اور مذہب پر کافی مطالعہ اور تحقیق کے بعد ایک سال قبل 3 اپریل 2022 کو اسلام قبول کیا ہے ۔