7سال سے لاپتا بلوچستان اسپورٹس بورڈ کے اسسٹنٹ ڈائریکٹر گھر پہنچ گئے

کراچی : 7 سال قبل لاپتہ ہونے والے بلوچستان اسپورٹس بورڈ کے اسسٹنٹ ڈائریکٹر سید نعیم اختر کراچی میں اپنی بہن کے گھر پہنچ گئے۔

خاندانی ذرائع کے مطابق بلوچستان اسپورٹس بورڈ کے اسسٹنٹ ڈائریکٹر سید نعیم اختر سات سال قبل جولائی 2016میں اپنی بیٹی، جس کا کراچی میڈیکل کالج میں داخلہ ہوا تھا،ان کے ہمراہ کوچ میں کراچی جا رہے تھے حب میں نامعلوم افراد نے انہیں کوچ سے اتار کر اپنے ساتھ لے گئے تھے جبکہ بیٹی کو حب پولیس نے کراچی پہنچایا تھا۔

خاندانی ذرائع کا کہنا تھا کہ سید نعیم اختر گزشتہ روز کراچی میں اپنی بہن کے گھر پہنچ گئے ان کے کپڑے اور چپل پھٹے ہوئے تھے ان کے گھر پہنچنے خبر ملتے ہی خاندان میں خوشی کی لہر دوڈ گئی ۔